Casio го претстави MTG-B4000, првиот G-Shock модел чиј дизајн е обликуван со помош на вештачката интелигенција. Овој модел користи ВИ за развој на структурата на куќиштето, правејќи го чекор напред во еволуцијата на паметното инженерство.
Casio ја „наполни“ ВИ со податоци од долгогодишниот развој на G-Shock серијата и отпорноста на удари, по што ВИ ја дизајнираше новата Dual Core Guard структура – комбинација од карбонски рамки и делови од нерѓосувачки челик.
Како функционира процесот?
Дизајнерите прво создаваат основен концепт, кој потоа го анализира ВИ и генерира оптимизирани 3D модели. Тие модели се понатаму рачно доработувани од дизајнерите. Овој процес се повторува додека не се постигне совршена рамнотежа меѓу функционалноста и естетиката.
Карбонската рамка започнува како слоеви од карбонски и стаклени влакна, кои се сечат во сложени 3D форми. Таму каде што се спојуваат двата материјали, се појавува карактеристичен слоевит дизајн. Рамката се поврзува со метален прстен (bezel), странични копчиња и заден капак – креирајќи го финалниот изглед на часовникот.
Прецизна изработка и врвни материјали
Нерѓосувачкиот челичен прстен има два слоја со различни завршни обработки – делови со висок сјај, полирани со „Zaratsu“ техника, и делови со “hairline” финиш – мат ефект со праволиниски траги. Задниот капак е изработен со MIM (Metal Injection Molding) технологија, што овозможува комплицирани 3D форми.
Циферблатот е со повеќеслојна структура за поголема визуелна длабочина. Има накосени прстени и големи, издигнати маркери со остри, повеќестрани форми, обложени со светлечки премаз. Casio користи микро-прецизна обработка за изработка на овие делови.
Технички спецификации
- Димензии: 56.6 x 45.3 x 14.4 мм
- Тежина: 112 грама
- Отпорност: Triple G Resist (удари, центрифугални сили и вибрации)
- Водоотпорност: до 200 метри
Напредни функции
Часовникот поддржува Multiband 6 радио сигнал за автоматско прилагодување на времето (Јапонија, Северна Америка, Европа, Кина) и Bluetooth конекција со апликацијата Casio Watches. Има и светско време за околу 300 градови, и Tough Solar напојување – до 5 месеци без светлина, или 18 месеци во режим на заштеда.
- Стакло: сафирно со антирефлективен слој
- Осветлување: бело LED со afterglow ефект
- Дополнителни функции: светско време за 27 градови, штоперка, тајмер, автоматски календар
Достапни модели и цени
- MTG-B4000B-1A2JF – со сино-сив IP премаз, по цена од 176.000 јени (околу 1.079 долари)
- MTG-B4000-1AJF – со класична метална завршница, по цена од 165.000 јени (околу 985 долари)
Двата модели ќе бидат достапни исклучиво во Јапонија преку официјалниот Casio веб-сајт, со премиера следната година.
Извор: www.web-mind.rs
